Dortmund dey face plenty injury wahala

Borussia Dortmund don suffa double
injury wahala days befor Bundesliga
season go begin as midfielder Oliver
Kirch don komot for two months and Ji
Dong-won go miss for almos four
weeks, naso de club yarn for
Wednesday.
Lass season’s Bundesliga runners-up wey go open dia
campaign against Bayer Leverkusen for Saturday, go
miss Kirch for at least eight weeks with thigh muscle
wahala as de statement get am.
Hin South Korea teammate, wey join from Augsburg
dis season go also waka for about four weeks as thigh
muscle tear don knack am down.
De two playas bin get injury for de training wey
shele for Tuesday afternoon and kon go Dortmund
hospital for check for Wednesday, na de hospital wey
confirm dia injuries.
Dortmund also go compete for de Champions League
wey go begin for September.
Dis na big gbege for Dortmund wey go put leg for de
same nicker with Bundesliga powerhouse Bayern
Munich for de German league title as de season go
open for Friday.
De two ogbonge clubs don support dia squard well
well with key transfers and na de two clubs dey reign
for Germany as dem don give other clubs big gap.
For de Bavarians, dey no dey see am like say e go
dey easy like lass season wen carry de Bundesliga
crown for March wey be time dey record am.
“Dis season we go need some time”, naso coachi Pep
Guardiola tok lass week. “For now i get only eight or
nine playas wey dey kampe”.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s